KİV: Ermənistan hökuməti geosiyasi dəyişikliklər fonunda Rusiya ilə əməkdaşlığı gücləndirir

Ermənistanın baş naziri Nikol Paşinyan son geosiyasi dəyişikliklər fonunda bütün dövlət qurumlarına rusiyalı həmkarları ilə əlaqələri və təmasları bərpa etməyi, həmçinin birgə tədbirlərdə fəal iştirak etməyi tapşırıb.

“Report” xəbər verir ki, bu barədə Ermənistanın “Hraparak” qəzeti mənbələrinə istinadən yazıb.

Nəşr qeyd edir ki, Paşinyanın mayın 9-da Moskvada keçiriləcək bayram tədbirlərində iştirak etmək üçün Rusiyaya səfəri gözlənilir və Rusiya lideri ilə görüş Ermənistan hökumətinin gələcək taleyinə aydınlıq gətirəcək.

Qəzet bunun Rusiyanın regiondakı mövqelərini gücləndirməsi ilə əlaqəli olduğunu vurğulayır.