Fransa XİN başçısı Türkiyəyə səfər edəcək

Fransanın xarici işlər naziri Jan-İv Le Drian iyunun 13-də Türkiyəyə səfər edəcək.

“Report” Türkiyənin NTV telekanalına istinadən xəbər verir ki, bu barədə Türkiyənin Xarici İşlər Nazirliyi açıqlama yayıb.

Bildirilib ki, səfər Türkiyənin xarici işlər naziri Mövlud Çavuşoğlunun dəvəti əsasında həyata keçirilir. 

Səfər çərçivəsində ikitərəfli əlaqələr, regional və beynəlxalq aktual məsələlər, Türkiyənin Avropa İttifaqına üzvlük prosesinin müzakirə olunacağı gözlənilir.