İvanişvili Gürcüstanın baş naziri vəzifəsinə namizədi irəli sürəcək

Hakim “Gürcü arzusu - Demokratik Gürcüstan” partiyasının fəxri sədri, milyarder Bidzina İvanişvili partiyanın yenilənmiş nizamnaməsinə əsasən, ölkənin baş naziri vəzifəsinə namizəd irəli sürmək səlahiyyətini alıb.

“Report” xəbər verir ki, bu barədə Gürcüstan KİV-i məlumat yayıb.

Yeni nizamnaməyə görə, siyasi şura partiyanın fəxri sədrinin irəli sürdüyü namizədi Gürcüstanın baş naziri vəzifəsinə təsdiqləyir. Bundan əlavə, partiyanın fəxri sədrinin və ya siyasi şuranın qərarı ilə partiyanın növbədənkənar qurultayı çağırıla bilər.

Qeyd olunub ki, siyasi şura partiyanın fəxri sədri və partiya qurultayında seçilən 15 üzvdən ibarətdir.