İtaliyalı jurnalist İran həbsxanasından sərbəst buraxılıb

İtaliyalı jurnalist Sesiliya Sala İran həbsxanasından sərbəst buraxılıb.

“Report” “İran İnternational”a istinadən xəbər verir ki, bu barədə İtaliyanın Baş naziri Corciya Meloni bildirib.

Onun sözlərinə görə, jurnalist təyyarə ilə İtaliyaya qayıdır.

Bildirilib ki, Sesiliya Sala diplomatik və kəşfiyyat kanalları vasitəsilə aparılan intensiv iş sayəsində azad edilib.

İnformasiyaya əsasən, 29 yaşlı İtaliya vətəndaşı Sala 2024-cü il dekabrın 29-da İranın xüsusi xidmət orqanları tərəfindən həbs edilib.