Ermənistan və Fransa hərbi əməkdaşlığa dair sənədlər imzalayıblar - YENİLƏNİB

Ermənistanın müdafiə naziri Suren Papikyan və fransalı həmkarı Sebastyan Lekornu hərbi əməkdaşlığa dair sənədlər paketi imzalayıblar.

“Report” xəbər verir ki, bu barədə “Sputnik Armenia” məlumat yayıb.

Digər müqavilə isə müdafiə nazirinin müavini Karen Brutyanla adı açıqlanmayan fransız şirkətinin nümayəndəsi arasında imzalanıb.

Sazişlərin detalları açıqlanmayıb.

Ermənistanın müdafiə naziri Suren Papikyan bu gün İrəvana rəsmi səfər edən fransalı həmkarı Sebastyan Lekornunu qəbul edib.

“Report” xəbər verir ki, bu barədə Ermənistanın müdafiə naziri sosial şəbəkələrdə məlumat yayıb.

“Mənim dəvətimlə fevralın 22-də Fransanın müdafiə naziri Sebastyan Lekornunun başçılıq etdiyi nümayəndə heyəti Ermənistana rəsmi səfərə gəlib. Bu gün Müdafiə Nazirliyinin inzibati kompleksində təntənəli qarşılanma mərasimi olub”, - o bildirib.