İranda Ərbəin gününə həsr olunan tədbirlər ləğv edilir

İranda Ərbəin gününə həsr olunan tədbirlər ləğv edilir İranda bu il oktyabrın 8-nə təsadüf edilən ərbəin günü (aşura gününün qırxı) keçirilən ənənəvi matəm tədbirləri ləğv olunur.
Region
1357
26 Sentyabr , 2020 13:17
İranda Ərbəin gününə həsr olunan tədbirlər ləğv edilir

İranda cari il oktyabrın 8-nə təsadüf edən Ərbəin günü (Aşura mərasimindən qırx gün sonra) keçirilən ənənəvi matəm tədbirləri ləğv olunur.

“Report” xəbər verir ki, bu barədə prezident Həsən Ruhani dövlət televiziyasında canlı yayımlanan çıxışı zamanı məlumat verib.

“Bu il heç bir yürüşün keçirilməyəcəyi, habelə İraq hökumətinin zəvvar qəbul edə bilməməsi nəzərə alınmaqla bu ölkəyə ziyarətlərin də olmayacağı qərarlaşdırılıb. İran ali liderinin nümayəndələri dini mərasimlərin evdə keçirilməsinə dair tapşırıq veriblər”, - o deyib.

Xatırladaq ki, Ərbəin günü, adətən, Nəcəf və Kərbəla ziyarətgahlarına kütləvi ziyarətlər həyata keçirilir. Ötən il bununla bağlı İrandan İraqa rekord sayda - 3,5 milyon ziyarətçi getmişdi.

Qeyd edək ki, İranda koeronavirusa yoluxanların sayı 439 882 nəfər, ölənlərin sayı isə 25 222 nəfərdir.

Son xəbərlər

Orphus sistemi