İranda neft-kimya zavodunun rəhbər vəzifəli şəxsləri həbs olunub

İranın Abadan şəhərində yerləşən “Abadan Petrochemical” neft-kimya zavodunun 9 rəhbər vəzifəli şəxsi və əməkdaşı həbs olunub.

“Report” xəbər verir ki, məlumatı “Mehr” informasiya agentliyi yayıb.

Onların kimliyi və tutduğu vəzifə, ittihamın detalları barədə məlumat verilməyib.

Bildirilib ki, prokurorluq şəhərdə müxtəlif ittihamlarla bağlı tədbirlər həyata keçirir. Bir müddət əvvəl zavodda korrupsiya qalmaqalı “İran tarixindəki ən böyük fırıldaqçılıq” adlandırılmışdı. Həmin cinayət işi üzrə əsas ittiham neft-kimya ixracından gələn valyutanın bölüşdürülməsi “neft-kimya sektorunda makroiqtisadi pozuntularda iştirak etmək və ona yardım etmək” olmuşdu.