İran Suriyada hakimiyyəti ələ keçirən müxalifət liderləri ilə əlaqə qurub

İran Suriyada hakimiyyəti ələ keçirən silahlı müxalifətin liderləri ilə birbaşa əlaqə qurub.

“Report” xəbər verir ki, bu barədə “Reuters” agentliyi İranın yüksək rütbəli rəsmisinə istinadən məlumat yayıb.

"İran iki ölkə arasında düşmənçilik münasibətlərinin qarşısını almaq üçün Suriyanın yeni rəhbərliyi ilə birbaşa dialoqa açıqdır", - o bildirib.

Daha əvvəl Suriyada dövlət televiziyasının binasını tutan silahlı müxalifət nümayəndələri efirdə ölkədə nəzarəti ələ keçirdiklərini bəyan ediblər. Suriyanın baş naziri Məhəmməd Qazi əl-Cəlali və bir neçə nazir hələ də ölkədədir. Hökumət başçısı silahlı müxalifət rəhbərliyi ilə əlaqə qurduğunu bildirib.