İrakli Qaribaşvili: “Cənubi Qafqaz inkişaf və sülh regionuna çevrilməlidir”

“Bizim səylərimiz bölgəmizin tədricən yeni imkanlar, inkişaf və sülh regionuna çevrilməsindən ibarət olmalıdır”.

“Report”un yerli bürosu xəbər verir ki, bunu Gürcüstanın Baş naziri İrakli Qaribaşvili Ermənistanın hökumət başçısı Nikol Paşinyanla birgə brifinqdə deyib.

O, son 30 ildə bölgədə bir sıra münaqişələrin baş verdiyini qeyd edib: “Bölgədə yeni imkanların yaradılması bizim ümumi baxışımıza çevrilməlidir. Gürcüstan bu istiqamətdə fəaliyyət göstərməkdə davam edəcək”.