​İŞİD-in Gürcüstandakı təmsilçisi tutulub

Bakı. 15 iyun. REPORT.AZ/ Gürcüstan Daxili İşlər Nazirliyi əməkdaşlarının Pankisi dərəsində keçirdiyi xüsusi əməliyyat nəticəsində 5 nəfər həbs edilib.

"Report" xəbər verir ki, bu haqda ölkənin "Rustavi-2" telekanalı məlumat yayıb.

Onlar yerli sakinləri İŞİD tərəfindən döyüşmək üçün Suriyaya göndərməkdə şübhəli bilinirlər.

Saxlanılanlardan biri İŞİD-in liderlərindən sayılan Tarxan Batiraşvilinin yaxın qohumu, o biri isə Qayoz Borçaşvili adlı Gürcüstan vətəndaşıdır. Q.Borçaşvili həm də İŞİD-in Gürcüstandakı təmsilçisi sayılır.

Saxlanılanların evlərinin axtarışı 6 saat davam edib. Xüsusi əməliyyat Pankisi ilə yanaşı Tbilisidə də keçirilir.