Gürcüstanın XİN başçısı: "Azərbaycanla sıx əməkdaşlığa hazıram" 

"Azərbaycanla dostluq əlaqələrinin bundan sonra da möhkəmləndirilməsi üçün sıx işləməyi səbirsizliklə gözləyirəm".

“Report”un yerli bürosu xəbər verir ki, bunu Gürcüstanın yeni xarici işlər naziri İlya Darçiaşvili tviter səhifəsində yazıb.

O, azərbaycanlı həmkarı Ceyhun Bayramovla maraqlı söhbət apardığını bildirib: "Biz müxtəlif sahələrdə Gürcüstan-Azərbaycan əməkdaşlığının müsbət dinamikasını, ikitərəfli gündəliyin əsas aspektlərini, həmçinin regiondakı vəziyyəti müzakirə etdik".