Gürcüstanın Baş naziri Azərbaycana təşəkkür edib

Gürcüstanın Baş naziri İrakli Kobaxidze Azərbaycan Respublikası Təhlükəsizlik Şurasının katibi Ramil Usubov ilə görüşdə ölkələr arasında möhkəm strateji tərəfdaşlıq və regional layihələrə toxunulub.

"Report"un yerli bürosu xəbər verir ki, tərəflər Gürcüstan və Azərbaycan arasında ikitərəfli və çoxtərəfli formatda əməkdaşlıq məsələlərini müzakirə ediblər. Görüşdə regionda sabitliyin və uzunmüddətli sülhün vacibliyi vurğulanıb.

Hökumət başçısı Gürcüstanın suverenliyinə və ərazi bütövlüyünə göstərdiyi davamlı dəstəyə görə Azərbaycana təşəkkür edib. Bundan əlavə, Gürcüstanın Azərbaycanın ərazi bütövlüyünə güclü dəstəyi qeyd edilib.

İclasda Gürcüstan Milli Təhlükəsizlik Şurasının katibi, daxili işlər naziri Vaxtanq Qomelauri iştirak edib.