Gürcüstanda tədbirlərdə iştirak üçün arayış tələb olunacaq

Gürcüstanda müxtəlif tədbirlərdə iştirak etmək istəyən vətəndaşlar vaksinasiya haqqında arayış və ya son 72 saat ərzində aparılmış PCR testin mənfi nəticəsi, ya da son 24 saat ərzində götürülən antigen testin cavabını təqdim etməli olacaqlar.

“Report”un yerli bürosu xəbər verir ki, bu barədə Gürcüstanın Dövlət Qurumlarıarası Koordinasiya Şurasının nəzdindəki Operativ Qərargahın rəhbəri Giorgi Qibradze məlumat verib.

Onun sözlərinə görə, şuranın qərarı ilə son 6 ay ərzində koronavirus keçirmiş şəxslərdən də bu sənədlər tələb olunacaq.