Gürcüstanda daha 6 208 nəfər koronavirusa yoluxub, 47 nəfər ölüb

Gürcüstanda son sutkada daha 6 208 nəfərdə koronavirus aşkarlanıb, 47 nəfər vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Bununla da qonşu ölkədə COVID-19-a yoluxanların sayı 490 462-yə, ölənlərin sayı isə 6 483-ə yüksəlib.

Ötən 24 saat ərzində 3 539, ümumilikdə isə 429 190 nəfər müalicə olunaraq sağalıb.

Bu günə olan aktiv xəstə sayı 54 763 nəfər təşkil edir.