Gürcüstanda 230-dan çox QHT “xarici agentlər” haqqında qanun çərçivəsində qeydiyyatdan keçmək üçün müraciət edib

Gürcüstanda 230-dan çox qeyri-hökumət təşkilatı “xarici agentlər” haqqında qanun çərçivəsində qeydiyyatdan keçmək üçün müraciət edib.
"Report"un yerli bürosu xəbər verir ki, bu barədə Gürcüstanın ədliyyə nazirinin birinci müavini Tamar Tkeşelaşvili bildirib.

O, deyib ki, artıq “233 təşkilat qeydiyyat üçün Milli Vətəndaşlıq Reyestri Agentliyinə müraciət edib.

Qeyd edək ki , bu gün səhər Konstitusiya Məhkəməsində prezidentin, müxalifətin, QHT-lərin və medianın “Xarici təsirin şəffaflığı haqqında” qanuna qarşı iddialarının ikinci iclası keçirilir.