Güclü qar Türkiyənin bir əyalətində məktəblərin bağlanmasına səbəb olub

Bakı. 27 fevral. REPORT.AZ/ Türkiyənin Ədirnə əyalətində əlverişsiz hava şəraiti və güclü qar yağması səbəbindən məktəblərdə birgünlük tətil elan olunub.  

“Report” NTV televiziyasına istinadən xəbər verir ki, bunu əyalətin Milli Təhsil İdarəsinin müdiri Hakan Cırıt bildirib.

Onun sözlərinə görə, Ədirnə şəhərində, əyalətin rayonlarında və kəndlərdə fevralın 27-də təhsilə birgünlük fasilə verilib.

H.Cırıt deyib ki, məktəblərin açılması hava şəraitindən asılı olacaq.

Meteoroloqların proqnozuna görə, fevralın 27 və 28-də bölgədə güclü qar yağacaq.