Fransa Ukraynaya yeni zirehli transportyorlar göndərəcək

Fransa Ukraynaya əhəmiyyətli sayda zirehli transportyor göndərəcək.

“Report” UNIAN-a istinadən xəbər verir ki, bunu Fransanın müdafiə naziri Sebastyen Lekornü deyib.

Onun sözlərinə görə, Rusiya Silahlı Qüvvələrinin atəşə altında olan ərazilərdə cəld hərəkət etmək üçün Ukrayna ordusuna zirehli texnika lazımdır.

Nazir həmçinin artıq Ukrayna Silahlı Qüvvələrinə 12 ədəd “Sezar” özüyeriyən haubitsanın verildiyini, əlavə olaraq altısının da göndəriləcəyini təsdiqləyib.