Estoniya yaxın vaxtlarda Rusiya vətəndaşlarının ölkəyə girişini qadağan edəcək

Estoniya yaxın vaxtlarda Rusiya vətəndaşlarının ölkəyə girişini qadağan etməyi planlaşdırır.

“Report” TASS-a istinadən xəbər verir ki, bu barədə Estoniyanın xarici işlər naziri Urmas Reinsalu bildirib.

Urmas Reinsalu qeyd edib ki, Baltikyanı ölkəyə humanitar, ailə və ya tibbi səbəblərə görə göndərilən Rusiya vətəndaşları, eləcə də diplomatik korpusun nümayəndələri Estoniyaya buraxılacaq.

Bundan əvvəl Polşa, Estoniya, Litva və Latviyanın xarici işlər nazirləri birgə bəyanatda vurğulayıblar ki, Rusiya vətəndaşlarının bu ölkələrin ərazisinə və Şengen zonasına buraxılmasını qadağan etməklə, onların sayını azaltmaq üçün bir sıra tədbirlər görmək niyyətindədirlər.