Ermənistanın Baş Qərargah rəisi koronavirusa yoluxub

Ermənistan Silahlı Qüvvələri Baş Qərargah rəisi general-leytenant Artak Davtyanda COVID-19 aşkarlanıb.

“Report” xəbər verir ki, bu barədə Ermənistan İctimai Televiziyası məlumat yayıb.

Bildirilib ki, A.Davtyanla yanaşı, silahlı qüvvələrin digər yüksəkrütbəli nümayəndələri də koronavirusa yoluxub.

Bununla bağlı silahlı qüvvələrin 30 illiyinə həsr olunmuş tədbir ləğv olunub.

Xatırladaq ki, ölkənin Baş naziri Nikol Paşinyana da COVID-19 diaqnozu qoyulub. Ermənistan KİV onu həm daxili, həm də xarici tədbirlərdən yayınmaq üçün özünü xəstə kimi qələmə verməkdə günahlandırır.