Paşinyan: Ermənistanın Aİ-yə üzvlüyü ilə bağlı referendum keçirilməlidir - YENİLƏNİB

Ermənistanın Avropa İttifaqına (Aİ) üzvlüyü məsələsi ümumxalq referendumunun keçirilməsi yolu ilə həll edilməlidir.

“Report” Ermənistan mətbuatına istinadən xəbər verir ki, bunu ölkənin baş naziri Nikol Paşinyan Ermənistanın Aİ-yə üzvlük prosesinin başlanması ilə bağlı qanun layihəsinin müzakirə olunduğu hökumət iclasında bildirib.

"Ermənistanın Aİ-yə daxil olmaq niyyəti ümumxalq referendumunun keçirilməsi yolu ilə təsdiqlənməlidir", - deyə o qeyd edib.

Qeyd edək ki, Ermənistan hökuməti sözügedən qanun layihəsini təsdiqləyib.

Layihə bir qrup qərbyönümlü qüvvələr tərəfindən başladılıb və bunun üçün 50 min imza toplanıb.

Ermənistan Avropa İttifaqına (Aİ) daxil olma prosesinin başlandığını elan edir.

“Report” xəbər verir ki, bu barədə Ermənistan KİV-ləri məlumat yayıb.

Layihə bu gün hökumətin iclasında müzakirə olunacaq.