Ermənistanda yol qəzası zamanı hərbçi qardaşlar ölüb

Ermənistanda yol-nəqliyyat hadisəsi nəticəsində iki hərbçi qardaş ölüb.

“Report” Ermənistan KİV-inə istinadən xəbər verir ki, hadisə Yerevan-İran sərhədi avtomobil yolunda olub.

Məlumata görə, “Toyota” markalı avtomobili Ermənistanın Meğri rayonunun 25 yaşlı sakini Armen Aqaronyan idarə edirmiş. O, hadisə yerində ölüb. Onun qardaşı L.Aqaronyan isə Meğridə xəstəxanada keçinib.

Qardaşlar Ermənistan Müdafiə Nazirliyinin hərbi hissələrindən birində qulluq edirmiş.