Ermənistanda müxalifət lideri sərbəst buraxılıb

Bakı. 23 aprel. REPORT.AZ/ “Mənim addımım” hərəkatının lideri Nikol Paşinyan sərbəst buraxılıb.

“Report” “Sputnik”ə istinadən xəbər verir ki, o, Ermənistan baş nazirinin birinci müavini Karen Karapetyanla danışıqlar nəticəsində azad edilib. 

“Fəaliyyətimizin məntiqi dəyişməyib. Axşam Respublika meydanında mitinq olacaq. O vaxtadək mən şəraitlə tanış olmalıyam. Bundan sonra qərar qəbul edəcəyəm. Hərəkatın tutulan tərəfdarları azad edilməlidir”, - N.Paşinyan vurğulayıb.