Ermənistanda koronavirusa yoluxanların sayı 226 949-a çatıb

Ermənistanda daha 193 nəfər COVID-19 pandemiyasına yoluxub.

“Report” xəbər verir ki, məlumatı ölkənin Səhiyyə Nazirliyi yayıb.

Bildirilib ki, Ermənistanda koronavirusa yoluxanların sayı 226 949-a çatıb. Son sutkada daha 4 nəfər koronavirusdan ölüb. Bununla da koronavirusdan ölənlərin sayı 4 556-ya yüksəlib.

Məlumata görə, koronavirusa yoluxan 218 022 nəfər sağalıb, 3 261 pasiyent müalicə olunur.