Ermənistan XİN başçısı ABŞ-a gedir

Ermənistanın xarici işlər naziri Ararat Mirzoyan ABŞ-a səfər edəcək.

“Report” xəbər verir ki, bu barədə Ermənistan Xarici İşlər Nazirliyinin mətbuat xidməti tviterdə məlumat yayıb.

A.Mirzoyan Ermənistan-Amerika Strateji Dialoqu sessiyasında iştirak etmək üçün mayın 2-dən 6-dək ABŞ-da olacaq.

Məlumata görə, xarici işlər nazirinin Vaşinqtonda ABŞ-ın dövlət katibi Entoni Blinken, ABŞ Beynəlxalq İnkişaf Agentliyinin (USAID) direktoru Samanta Pauer, ABŞ Prezidentinin xüsusi köməkçisi Amanda Slott və digər yüksək vəzifəli rəsmilərlə görüşləri nəzərdə tutulub.