Ermənistanda hərbçinin özünə xəsarət yetirməsi üzrə cinayət işi açılıb - YENİLƏNİB

Ermənistan İstintaq Komitəsi hərbi qulluqçunun yaralanması ilə əlaqədar xəstəliyin simulyasiyası və ya özünə xəsarət yetirmə yolu ilə hərbi xidmət vəzifələrini yerinə yetirməkdən yayınma əlamətləri üzrə cinayət işi açıb.

“Report” xəbər verir ki, bu barədə Ermənistan KİV-i məlumat yayıb.

Qeyd edək ki, daha əvvəl ölkənin Müdafiə Nazirliyi güllə yarası alan hərbi qulluqçunun xəstəxanaya yerləşdirildiyi və əməliyyat olunduğu barədə məlumatı təsdiqləyib.

Hazırda onun həyatına təhlükə yoxdur.

09:45

Ermənistanda güllə yarası alan hərbçi xəstəxanaya yerləşdirilib.

"Report" xəbər verir ki, bu barədə yerli KİV-lər ölkənin Müdafiə Nazirliyinə istinadən məlumat yayıb.

"Hərbçi hazırda həkimlərin nəzarəti altındadır, həyatına təhlükə yoxdur", - məlumatda qeyd edilib.

KİV-in məlumatına görə, hadisə Geğarkunik vilayətindəki mövqelərdən birində baş verib. Əsgərin hansı şəraitdə yaralandığı hələ ki, məlum deyil.