Ərdoğan: Türkiyə Aİ-dən üzvlüklə bağlı müzakirələri canlandırmasını gözləyir

Türkiyənin Avropa İttifaqına (Aİ) üzvlük hədəfi olduğu kimi qalır.

“Report” xəbər verir ki, bunu Türkiyə Prezidenti Rəcəb Tayyib Ərdoğan Avropa İttifaqının (Aİ) təşkil etdiyi Həmfikir Ölkə Liderlərinin onlayn toplantısında deyib.

Ərdoğan Avropanın təhlükəsizliyi ilə bağlı bütün addımları Türkiyə ilə birlikdə planlaşdırmağın qarşılıqlı maraqlara xidmət etdiyini əlavə edib.

“Türkiyə Aİ-nin strateji və uzaqgörən münasibət bəsləməsini və üzvlüklə bağlı müzakirələri canlandırmasını gözləyir”.