​Əhməd Davudoğlu: "Elektrik enerjisinin kəsilməsində terror ehtimalını araşdırırıq"

Bakı. 31 mart. REPORT.AZ/ "Ölkədə elektrik enerjisinin kəsilməsi ilə bağlı terror ehtimalını araşdırırıq".

"Report" Türkiyə KİV-inə istinadən xəbər verir ki, bunu Türkiyənin baş naziri Əhməd Davudoğlu bəyan edib.

Xatırladaq ki, bu gün Türkiyənin əksər şəhər və rayonlarında, o cümlədən, Ankara, Trabzon, Aydın, Ədirnə, Muğla, Ərzurum, Təkirdağ, Antalya, İzmir, Bursa, Adana, Bitlis, Çanakkale, Hatay, Dənizli, Əskişəhir, İzmit, Tunceli, Elazığ, Bilecik ve Samsunda elektrik enerjisi kəsilib.

Bu vəziyyət ölkədə ciddi problemlər yaradıb.