Cevdet Yılmaz: "Türkiyə PUA-ları ilə müharibə qaydalarını dəyişib"

“Elektron hərb sahəsində daha çox inkişafa nail olmaq üçün işlərimizi davam etdirəcəyik”.

“Report” xəbər verir ki, bunu Türkiyənin vitse-prezidenti Cevdet Yılmaz birinci elektron hərb simpoziumunda çıxışı zamanı deyib.

Onun sözlərinə görə, bu gün Türkiyə elektron hərb sahəsində fərqlənən ölkələrdəndir: “Müdafiə sənayəsi sahəsində böyük uğurlar əldə etmişik. Amma bu bizi arxayın salmamalıdır. Əksinə, işlərimizi davam etdirməliyik”.

C.Yılmaz bildirib ki, Türkiyənin pilotsuz uçuş aparatları (PUA) müharibə qaydalarını dəyişib: “Bunu elektron hərb sahəsində də edəcəyik. İstehsalımızı artıracağıq”.