XİN başçısı: "Slovakiya ATƏT-ə sədrliyi dövründə Qarabağ münaqişəsinin həlli üzrə danışıqlara töhfə vermək əzmindədir"

Bakı. 5 mart. REPORT.AZ/ "Ermənistan-Azərbaycan Dağlıq Qarabağ münaqişəsi ilə bağlı vəziyyətlə yerində tanış olmaq və fikir mübadiləsi aparmaq üçün bu səfər yaxşı fürsət yaradır".

"Report" xəbər verir ki, bunu ATƏT-in fəaliyyətdə olan sədri, Slovakiyanın xarici işlər və Avropa naziri Miroslav Layçakın martın 5-də Bakıda Azərbaycan Prezidenti İlham Əliyevin qəbulunda olan zaman deyib.

M.Layçak Slovakiyanın ATƏT-ə sədrliyi dövründə müəyyən edilmiş prioritetlər barədə dövlət başçısına məlumat verərək, bu sırada münaqişələrin qarşısının alınmasının və vasitəçiliyin mühüm yer tutduğunu diqqətə çatdırıb, bu dövrdə Ermənistan-Azərbaycan Dağlıq Qarabağ münaqişəsinin həlli üzrə danışıqlar prosesinə töhfə vermək əzmində olduqlarını deyib.