Şoyqu: “Qafqazda gərginliyin artmasında maraqlı deyilik”

“Sərhəddə baş verən olayları bilirik və müşahidə edirdik. Bazamıza uçuşlarla əlaqədar yaşanan narahatlıqları da bilirik”.

“Report” TASS-a istinadən xəbər verir ki, bunu Bakıda səfərdə olan Rusiyanın müdafiə naziri Sergey Şoyqu söyləyib.

“Bildirmək istəyirəm ki, bizim hərəkətlərimiz heç vaxt bizim qonşu və tərəfdaşımız olan Azərbaycana qarşı yönləndirilməyib. Rusiya Zaqafqaziyada gərginliyin artmasında maraqlı deyil”, - rusiyalı nazir bildirib.

Onun sözlərinə görə, Rusiya Ermənistandakı bazasında hərbi qulluqçuları üçün sosial obyektlərin tikintisi ilə məşğuldur.