Reza Deqati səyyahlara Xocalı faciəsi barədə danışıb

21 ölkədən olan 30-dan çox səyah Qarabağ və Şərqi Zəngəzura səfəri çərçivəsində Ağdamda olublar.

“Report” xəbər verir ki, səfər zamanı Azərbaycan əsilli fransalı fotojurnalist Reza Deqati səyyahlara Ağdamda çəkdiyi şəkilləri nümayiş etdirib.

“Buradan 15 mil aralıda Xocalı şəhəri var. Fevralın 26-da - Birinci Qarabağ müharibəsi zamanı ermənilər bu şəhərə daxil olaraq qadınları, uşaqları, qocaları qətlə yetiriblər”, - o, deyib.

Deqati qeyd edib ki, Xocalıda qış çox sərt olub, havanın temperaturu -10 dərəcəyə çatıb və bu səbəbdən meşəyə qaçan bir çox Xocalı sakini soyuqdan ölüb.

O, həmçinin şahidi olduğu hadisələrdən də danışıb.