Ombudsman: “Pakistan hər zaman Azərbaycanı dəstəkləyib”

“İkinci Qarabağ müharibəsi zamanı Pakistan insan hüquqları pozuntularının qeydə alındığı hesabatlar hazırlayıb".

"Report" xəbər verir ki, bunu Pakistanın Federal Ombudsmanı Yejaz Əhməd Qureşi deyib.

"Pakistan İkinci Qarabağ müharibəsi zamanı da Azərbaycanı dəstəkləyib və bundan sonra da dəstəkləməkdə davam edəcək. Biz diplomatik səylərlə də kömək edirik. Bundan başqa, həmin müharibə zamanı insan hüquqlarının pozulması ilə bağlı hesabatlar hazırlamışıq", - o bildirib.

Onun sözlərinə görə, Asiya Ombudsmanları Assosiasiyasının bu gün Bakıda keçirilən toplantısı təcrübə mübadiləsinə və gələcək üçün birgə fəaliyyətin planlaşdırılmasına kömək edəcək.