ATƏT-in Minsk qrupunun həmsədrləri Vyanada və Bratislavada görüşlər keçirib

Bakı. 1 mart. REPORT.AZ/ ATƏT-in Minsk qrupunun həmsədrləri və ATƏT-in fəaliyyətdə olan sədrinin Dağlıq Qarabağ münaqişəsi üzrə şəxsi nümayəndəsi Anjey Kaspşik 28 fevral - 1 mart tarixlərində Vyana və Bratislava şəhərində görüşlər keçiriblər.

"Report" xəbər verir ki, vasitəçilər ATƏT-in Minsk qrupu ölkələrinin daimi nümayəndələrinə, ATƏT-in baş katibi Tomas Qremingerə və ATƏT-in fəaliyyətdə olan sədri, Slovakiyanın xarici işlər naziri Miroslav Layçaka bu yaxınlarda Bakıya və Yerevana etdikləri səfərlərin nəticələri barədə məlumat veriblər.