Kovari: “Azərbaycan Qarabağda rahat və təhlükəsiz həyatı təmin etməyi qarşısına məqsəd qoyub”

“Azərbaycan evlərinə qayıdan keçmiş məcburi köçkünlər üçün rahat, təhlükəsiz və davamlı həyat təmin etməyi qarşısına məqsəd qoyub”.

“Report” xəbər verir ki, bunu İsveçrənin “sa_partners” şirkətinin təsisçi tərəfdaşı Dunya Kovari Ağdamda keçirilən Azərbaycan Milli Şəhərsalma Forumunda deyib.

O vurğulayıb ki, Zəngilanın Baş Planı tərtib edilərkən onun çox yaşıl şəhər olmasına diqqət yetirilib: “Biz bu şəhərin gələcəyinin olmasını və bütün ağacları qorumaq istəyirik. Buranın park-şəhər olmasını istəyirik”.

D.Kovari bildirib ki, Zəngilan şəhərində yaradılacaq ictimai infrastruktur da “yaşıl” olmalıdır.

Onun sözlərinə görə, Kəlbəcərin Baş Planı hazırlanarkən isə turizm sahəsi əsas diqqət mərkəzində olub: “Şəhər hərəkətli və idman həyat tərzinə uyğun olmalıdır”.

“Sa_partners” şirkətinin təsisçi tərəfdaşı Qubadlının Baş Planı hazırlanarkən şəhərin landşaftının nəzərə alındığını deyib: “Onun konsepsiyasının əsas prioriteti gölməçələr, göllər və yaşıl-mavi çalarlardan ibarət olacaq”.