“Caliber”: “Ermənistan ərazi bütövlüyümüzə qəsd edib və buna görə cavab verəcək”

Ermənistan tərəfi artilleriya və pilotsuz uçuş aparatlarından (PUA) istifadə edir, düşmənin canlı qüvvəsi və ağır texnikasının Laçın istiqamətində cəmləşməsi qeydə alınıb.

“Report” xəbər verir ki, bu barədə “Caliber” internet-nəşri özəl mənbələrə istinadən yazıb.

Nəşr yazır ki, Ermənistan artilleriya və zirehli tank qoşunlarını toplayır, güman etmək olar ki, Ermənistan tərəfi ciddi hərbi əməliyyata hazırlaşır.

“Bu gün baş verənlər Azərbaycanın ərazi bütövlüyü və suverenliyinə qəsddir və Ermənistan buna görə çox ciddi cavab verəcək”, - “Caliber”dən bildiriblər.