Bakı-Qazax avtomobil yolunda piyadanı avtomobil vuraraq öldürüb - FOTO - VİDEO - YENİLƏNİB

Goranboy rayonunda baş verən ağır yol-nəqəliyyat hadisəsi zamanı ölən piyadanın şəxsiyyəti məlum olub.

"Report"un yerli bürosu xəbər verir ki, bu, rayon sakini 1978-ci il təvəllüdlü Əliyev Cəbrayıl Hüseyn oğludur. O, hadisə yerində aldığı xəsarətlərdən ölüb. 

Hadisə yerinə hüquq mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. 

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Goranboy rayon şöbəsinə yerləşdirilib. 

*** 23:11

Bakı-Qazax avtomobil yolunda piyadanı avtomobil vuraraq öldürüb.

"Report"un Qərb bürosunun məlumatına görə, hadisə magistral yolun Goranboy rayon ərazisindən keçən hissəsində qeydə alınıb. Avtomobilin vurduğu kişi piyada aldığı xəsarətlərdən hadisə yerində ölüb.

Hazırda ölən piyadanın şəxsiyyəti dəqiqləşdirilir.

Faktla bağlı araşdırma aparılır.