Valyuta mübadiləsi əməliyyatlarının yuxarı həddi ilə bağlı qanun layihəsi sonuncu oxunuşda təsdiqlənib

Milli Məclisin bu gün keçirilən plenar iclasında Azərbaycanda valyuta mübadiləsi əməliyyatlarının yuxarı həddinin müəyyən edilməsi ilə bağlı qanun layihəsi III oxunuşda təsdiq edilib.

"Report"un xəbərinə görə, söhbət "Valyuta tənzimi haqqında" qanuna dəyişiklik layihəsindən gedir.

Sənədə əsasən, Azərbaycan Mərkəzi Bankı valyuta mübadiləsi fəaliyyətinə lisenziya almış şəxslərin apardığı valyuta mübadiləsi əməliyyatlarının yuxarı həddini müəyyən edir.