Pakistanda Beynəlxalq Parlamentarilər Konqresinin Daimi Qərargahının təməlqoyma mərasimi keçiriləcək

İyulun 31-də Pakistanın İslamabad şəhərində Beynəlxalq Parlamentarilər Konqresinin Daimi Qərargahının təməlqoyma mərasimi keçiriləcək.

Milli Məclisin Mətbuat və ictimaiyyətlə əlaqələr şöbəsindən "Report"a verilən məlumata görə, tədbirdə deputat Arzu Nağıyev iştirak edəcək.

Təməlqoyma mərasiminə Pakistanın Baş naziri, parlamentarilər və bir sıra ölkələrin parlament nümayəndələri qatılacaqlar.