Yuxarı

Milli Məclisin sədr müavini: “Azərbaycanın yerləşdiyi coğrafi məkan İpək Yolu üzərində yerləşən ölkələrə imkanlar yaradır”

© Report — Milli Məclisin sədr müavini Bahar Muradova

Bakı. 13 mart. REPORT.AZ/ “ATƏT Parlament Assambleyasının İpək Yoluna Dəstək Qrupunun yaradılması müsbət addımdır. Bu istiqamətdə çox böyük işlər görülüb. Azərbaycanın belə bir təşəbbüslə çıxış etməsi təsadüfi deyil. Çünki Azərbaycanın yerləşdiyi coğrafi məkan İpək Yolu üzərində yerləşən ölkələrə imkanlar yaradır”.

“Report”un xəbərinə görə, bunu ATƏT Parlament Assambleyasının (PA) İpək Yoluna Dəstək Qrupunun Bakıda keçirilən beynəlxalq konfransında Milli Məclisin sədr müavini, ATƏT PA-da Azərbaycan nümayəndə heyətinin rəhbəri Bahar Muradova deyib.

O bildirib ki, Azərbaycanın fəal iştirakı ilə bir sıra beynəlxalq layihələr həyata keçirilib: “Azərbaycan həm siyasi, həm də iqtisadi baxımdan İpək Yoluna Dəstək Qrupunun yaradılması təşəbbüsü ilə çıxış edib. Bu yol Şərqlə-Qərbi birləşdirə biləcək yoldur. Azərbaycan bu istiqamətdə üzərinə düşən işləri görür”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi