Yuxarı

Əhliman Əmiraslanov: "Belə çıxır ki, əlillik almaq üçün xəstə uzun müddət xəstəxanada qalmalıdır?"

"Yalnız vərəm deyil, digər xəstəliklərlə bağlı əlilliyin təyin edilməsi üçün uzun müddətli stasionar müalicə alınması tələbi irəli sürülür. Bu məsələyə yenidən baxmaq lazımdır”.

“Report” xəbər verir ki, bunu Milli Məclisdə Ümumdünya Vərəmlə Mübarizə Gününə həsr edilən dinləmədə Səhiyə komitəsinin sədri Əhliman Əmiraslanov deyib.

“Belə çıxır ki, əlillik almaq üçün xəstə uzun müddət xəstəxanada qalmalıdır? Bu, xəstənin özü üçün mənəvi zərərdir. Eyni zamanda dövlət vəsaitinin xərclənməsinə səbəb olur. Bu, necə əsaslandırılır? Hansı qanunvericilik aktı ilə tənzimlənir? Necə etmək lazımdır ki, bu qəbildən olan şikayətlər olmasın?”, - deyə komitə sədri sual verib.

Əmək və Əhalinin Sosial Müdafiəsi Nazirliyi yanında Dövlət Tibbi – Sosial Ekspertiza və Reablitasiya Xidmətinin rəisi Cavid Əbdülqədirov isə deyib ki, təkliflər nəzərə alınaraq baxılacaq. Onun sözlərinə görə, ötən il 615 vərəmli xəstənin əlillik təyinatı aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi