Yuxarı
    Bağlamaq

    ​MTRŞ bayram tətili günlərində də verilişlərin monitorinqini aparacaq

    Şöbə müdiri: Bütün verilişlər avtomatik olaraq yazılır

    Bakı. 16 mart. REPORT.AZ/ Milli Televiziya və Radio Şurası (MTRŞ) bayram tətili zamanı yayımlanan teleradio verilişlərinin monitorinqini aparmaq məqsədilə həmin günlərdə efirə gedəcək olan verilişlərin audio və video yazılışlarını həyata keçirəcək.

    Bu barədə "Report"a MTRŞ-nın Ekspertiza, proqramlaşdırma və analitik şöbəsinin müdiri Təvəkkül Dadaşov bildirib.

    Onun sözlərinə görə, qurum tərəfindən quraşdırılan müasir texniki avadanlıqlar insan faktoru olmadan verilişlərin avtomatik yazılışını həyata keçirməyə imkan verir: "Milli Televiziya və Radio Şurası tərəfindən quraşdırılan texniki avadanlıqlar vasitəsilə bütün verilişlərin insan faktoru olmadan avtomatik audio və video yazılışı həyata keçirilir. Bu, bizə həmin verilişlərin geniş təhlilini aparmağa imkan verir".

    T.Dadaşov onu da bildirib ki, son bir neçə bayram tətili günlərində teleradiolar tərəfindən qanun pozuntularına yol vermə halları azalıb. Onun sözlərinə görə, bu hal televiziyaların qanunlara əməl etmək vərdişinin formalaşdığını göstərir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi