Yuxarı
    Bağlamaq

    KİVDF 34 qəzetə maliyyə yardımı ayırıb - SİYAHI

    Bununla bağlı qərar fondun Müşahidə Şurasının iclasıda qəbul olunub

    Bakı. 30 iyun. REPORT.AZ/ İyunun 30-da Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib. "Report" xəbər verir ki, fondun Müşahidə Şurasının sədri Umud Mirzəyevi clası açıq elan edərək gündəlikdəki məsələlər barədə məlumatverib

    İclasın gündəliyinə 2015-ci ilin II yarısında KİV layihələrinin maliyyələşdirilməsi ilə bağlı elan edilən müsabiqəyə təqdim olunan layihə təkliflərinin müzakirəsi və cari məsələlər daxil edilib. 

    Fondun icraçı direktoru Vüqar Səfərli elan edilən şərtlər çərçivəsində müsabiqəyə 35 qəzetin sənəd təqdim etdiyini diqqətə çatdırıb. İcraçı direktor bildirib ki, ilin birinci yarısında fondan maliyyə yardımı almış 33 qəzetdən əlavə daha 2 mətbuat orqanı - "Hürriyyət" və "Zaman çempion" qəzetləri də layihə təklifləri təqdim ediblər. Müvafiq araşdırmalardan sonra "Hürriyyət" qəzeti də daxil olmaqla, 34 qəzetin layihə təkliflərinin müsabiqənin şərtlərinə uyğun olduğu müəyyən edilib.

    Sonra müsabiqənin şərtlərinə müvafiq olaraq təqdim edilmiş sənədlər Müşahidə Şurasının üzvlərinin diqqətinə təqdim olunub. Müzakirələr zamanı Müşahidə Şurası üzvlərindən - Vüqar Rəhimzadə, Əflatun Amaşov, Bəxtiyar Sadıqov, Müşfiq Ələsgərli, Rəşad Məcid və İntiqam Hümbətov Fondun maliyyə yardımı müsabiqələrinin mətbuatın maddi-texniki bazasının yaxşılaşdırılması və jurnalistlərin sosial vəziyyətlərinin yaxşılaşdırılması baxımından əhəmiyyətini qeyd ediblər.

    Müzakirələrin sonunda 34 qəzetin sənədlərinin müsabiqənin şərtlərinə cavab verdiyi nəzərə alınaraq, onlara 2015-ci ilin II yarısında maliyyə yardımının ayrılması barədə qərar qəbul edilib.

    Cari məsələlərin müzakirəsi zamanı V.Səfərli Azərbaycan milli mətbuatının yaranmasının 140 illik yubileyi ilə əlaqədar keçiriləcək tədbirlər barədə ətraflı məlumat verib.

    2015-ci ilin II yarımilliyi üçün KİV layihələrinin maliyyələşdirilməsi üzrə müsabiqənin qalibi olan redaksiyaların siyahısı

    Qəzetin AdıAyrılan məbləğ
    1."Kaspi” qəzeti60 000
    2."Mövqe” qəzeti60 000
    3."Yeni Azərbaycan” qəzeti60 000
    4."Ədalət” qəzeti60 000
    5."525-ci qəzet” qəzeti60 000
    6."Səs” qəzeti60 000
    7."Bakı-Xəbər” qəzeti60 000
    8."Yeni Müsavat” qəzeti60 000
    9."Kaspiy"60 000
    10."Ekspress” qəzeti60 000
    11."Palitra” qəzeti60 000
    12."Paralel” qəzeti40 000
    13."Həftə İçi” qəzeti40 000
    14."Azad Azərbaycan” qəzeti40 000
    15."Şərq” qəzeti40 000
    16."Xalq Cəbhəsi” qəzeti40 000
    17."Futbol+Qol” qəzeti40 000
    18."Bizim Yol” qəzeti40 000
    19."Olaylar” qəzeti40 000
    20."Novoye Vremya” qəzeti30 000
    21."Futbol+” qəzeti
    30 000
    22."Üç Nöqtə” qəzeti30 000
    23."Azernews” qəzeti30 000
    24."Unikal” qəzeti20 000
    25."Olimpiya Dünyası”qəzeti20 000
    26."Oxu Məni” qəzeti20 000
    27."Zaman-Azərbaycan” qəzeti20 000
    28."Reytinq” qəzeti9 000
    29."Təhsil Problemləri” qəzeti9 000
    30."The Business Times” qəzeti9 000
    31."Hərbi And” qəzeti9 000
    32."Türküstan” qəzeti9 000
    33."İqtisadiyyat” qəzeti9 000
    34."Hürriyyət" qəzeti9 000
    CƏMİ34 Redaksiya1.243.000
    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi