BMT-nin Baş katibi: "Son üç ildə dünyada mindən çox hüquq müdafiəçisi və jurnalist öldürülüb"

Bakı. 25 fevral. REPORT.AZ/ "Son üç il ərzində dünyada mindən çox hüquq müdafiəçisi və jurnalist öldürülüb".

“Report” TASS-a istinadən xəbər verir ki, bunu BMT İnsan Hüquqları Şurasının Cenevrədəki 40-cı sessiyasının açılışında bu təşkilatın Baş katibi Antonio Qutierreş bildirib.

O, hüquq müdafiəçi və jurnalistləri təzyiqlərdən qorumaq, təqsirkarları məsuliyyətə cəlb etmək üçün daha çox iş görməyin vacibliyini dilə gətirib.

BMT-nin Baş katibi həmçinin sosial şəbəkələrdə yəhudi və müsəlman düşmənçiliyi da daxil olmaqla irqçilik, dözümsüzlük hallarının geniş vüsət almasından narahatlığını ifadə edib.