Bakı. 15 fevral. REPORT.AZ/ Rusiyanın Azərbaycandakı səfirliyində Azərbaycan KİV nümayəndələrinin illik mükafatlandırılması mərasimi keçirilib.
"Report" xəbər verir ki, tədbiri giriş nitqi ilə açan Rusiyanın Azərbaycandakı müvəqqəti işlər vəkili Oleq Muraşyov Rusiya-Azərbaycan əlaqələrini işıqlandırdıqlarına görə KİV nümayəndələrinə təşəkkür edib. O, Rusiya diplomatiyasının açıq olduğunu və milli maraqlarına əsaslanaraq dürüst oyun apardığını və bu məsələdə oxucularına etibarlı məlumatlar çatdırmaq baxımından mətbuatın mühüm rol oynadığını vurğulayıb.
Ardından müvəqqəti işlər vəkili bir sıra Azərbaycan KİV nümayəndələrinə, o cümlədən "Report" informasiya agentliyinin müxbiri Cəfər Ağadadaşova diplom təqdim edib.