Futuroloq Həmid Həmidovun “Danışaq?” podkastında nüvə müharibəsi ehtimalından danışıb

Jurnalist Həmid Həmidov “Danışaq?” podkastının yeni buraxılışında abunəçilərə növbəti video müsahibə təqdim edib.

“Report” xəbər verir ki, aparıcının qonağı Azərbaycan Futuroloqlar Cəmiyyətinin - Minillik Layihəsinin Azərbaycandakı bölməsinin sədr müavini, futuroloq Eldar Müseyibzadə olub.

Yeni videoda H.Həmidov və E.Müseyibzadə yaxın gələcəkdə bizi nələrin gözləməsindən, Üçüncü Dünya və nüvə müharibələrinin baş verməsi ehtimalından danışıblar.

Ənənəvi cümə müsahibəsinin qonağı müxtəlif mövzulara, o cümlədən Bakı ilə İrəvan arasında əlaqələrin qurulması, dünyanın qloballaşmadan uzaqlaşması və süni intellekt mövzularına toxunub.