"Azlink" MMC-yə universal platforma operatoru lisenziyası verilib

İyulun 14-də Audiovizual Şuranın iclası keçirilib.

"Report" xəbər verir ki, toplantıda universal platforma operatoru lisenziyasının alınması üçün "Azlink" MMC-dən Audiovizual Şuraya daxil olmuş müraciətə baxılıb, iddiaçının təqdim etdiyi sənədlər incələnib.

Müzakirələrdən sonra "Azlink" MMC-yə (xidmətin adı: "Azlink" olmaqla) universal platforma operatoru lisenziyasının verilməsi barədə müvafiq qərar qəbul olunub.