Yuxarı

İranlı aktrisa etiraz əlaməti olaraq "Oskar"ın təqdimat mərasiminə getməkdən imtina edib

İranlı aktrisa etiraz əlaməti olaraq "Oskar"ın təqdimat mərasiminə getməkdən imtina edib
Təranə Əlidusti: Trampın iranlılara viza verilməsinə qadağa qoyması irqçi hərəkətdir

Bakı. 26 yanvar. REPORT.AZ/ Xarici dildə ən yaxşı film nominasiyasında "Oskar" mükafatına namizəd olan "Kommivoyajör" filmində baş rolu ifa edən iranlı aktrisa Təranə Əlidusti mükafatlandırma mərasiminə getməkdən imtina edib.

"Report" RİA "Novosti"yə istinadən xəbər ki, o, bu addımı ABŞ Prezidenti Donald Trampın immiqrasiya barədə fərmanlarına etiraz olaraq atıb.

"Trampın iranlılara viza verilməsinə qadağa qoyması irqçi hərəkətdir. Bunun mədəni tədbirə nə dərəcədə təsir etdiyini bilmirəm, amma mən etiraz əlaməti olaraq 2017-ci ildə mərasimə getməyəcəyəm" - aktrisa "Twitter" hesabında yazıb.

Qeyd edək ki, "Oskar" mükafatının təqdimetmə mərasimi bu il fevralın 26-da Hollivudda keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi