Xüsusi nümayəndə: "Şuşanın 270 illiyi münasibətilə böyük konsert proqramı təşkil olunacaq" 

"Gələn il Şuşanın 270 illiyi münasibətilə şəhərdə böyük konsert proqramı təşkil olunacaq".

Bunu "Report"a açıqlamasında Prezidentin Şuşa rayonunda xüsusi nümayəndəsi Aydın Kərimov deyib.

O bildirib ki, Şuşada Üzeyir Hacıbəyli Beynəlxalq Musiqi Festivalının keçirilməsi gələcək mədəni tədbirlərin başlanğıcıdır: "Bundan sonra Şuşada daha böyük konsertlər təşkil olunacaq. Gələcək tədbirlərin proqramı hələlik müəyyən olunmasa da şəhərdə konsertlərin təşkil olacağı dəqiqdir".