Vaqif Mustafazadənin xatirəsinə həsr olunan “Caz rəsmlərdə” sərgisi keçirilir

Salyanda Azərbaycan bəstəkarı və cazmeni Vaqif Mustafazadənin xatirəsinə həsr olunan “Caz rəsmlərdə” yaradıcılıq sərgisinin açılışı olub.

“Report”un Aran bürosunun məlumatına görə, Şirvan-Salyan Regional Mədəniyyət İdarəsinin Salyan Dövlət Rəsm Qalereyasında açılan sərgidə Vaqif Mustafazadə də daxil olmaqla dünya caz ulduzlarının tanınmış simaları Frank Sinatra, Nina Simone, Carlz Lloyd kimi görkəmli cazmenlərin portretləri və caz kompozisiyaları yer alıb.

“Caz rəsmlərdə” yaradıcılıq sərgisində 7 peşəkar, 11 yeniyetmə və uşaq olmaqla 18 nəfər rəssamın ümumilikdə 34 ədəd rəsm əsəri nümayiş olunur. Caz mövzulu tablolar əsasən portret, veduta və peyzaj janrındadır. Rəsm əsərlərində abstrakt, mazok, realizm üslubları qabarıq formada göstərilib.

Sərginin nümayişi martın 30-dək davam edəcək.