Yuxarı

"The Huffington Post": Bakı dialoq və sülhün toplaşdığı nadir geosiyasi məkandır”

Azərbaycan onu digər qonşu regionlardakı ekstremist qüvvələrdən qoruyan geopolitik yerləşməsi ilə unikaldır

Bakı. 12 yanvar. REPORT.AZ/ Amerikanın "The Huffington Post" qəzeti Bakıda keçirilən III Mədəniyyətlərarası Dialoq Forumu haqqında məqalə dərc edib. Məqalə Forumda çıxışçı və iştirakçı kimi qoşulan Annette Blum hazırlayıb.

"Report" xəbər verir ki, bu barədə məlumatı Mədəniyyət və Turizm Nazirliyinin İnformasiya və İctimaiyyətlə Əlaqələr Şöbəsi yayıb.

Məqalədə yazar Azərbaycana səfərinin 3 səbəbini açıqlayıb. Müsəlman aləmində ilk dəfə Azərbaycanda 1918-ci ildə dünyəvi demokratik dövlətin qurulması, dünyanın müxtəlif xalqları ilə birgə yaşam tərzi və s. bu kimi səbəblərin bu ölkəyə səfər etməsi üçün əsas olduğu bildirilib.

Məqalədə qeyd olunur ki, Azərbaycan onu digər qonşu regionlardakı ekstremist qüvvələrdən qoruyan geopolitik yerləşməsi ilə unikaldır.

Bütün bu amillər nəzərə alınaraq, həm ölkə daxilində, həm də beynəlxalq aləmdə ölkəmizin dinlərarası və multikultural harmoniyaya bağlılığı və bu sahədəki uğurlarını əsas götürərək, Mədəniyyətlərarası Dialoq Forumu üçün Azərbaycan ən uyğun və maraqlı məkan olaraq göstərilir.

Yazar Annette Blum Azərbaycanın müxtəlif icmaların sülh və qarşılıqlı hörmətlə birgə yaşadığı bir ölkə modeli olaraq, bir çox ölkələrə nümunə ola biləcəyini vurğulayıb. Azərbaycan bütün dinlərdən və mədəniyyətlərdən olan insanların birlikdə azad yaşadığı və hər kəsin uğur qazanmaq üçün bərabər imkanlara malik olduğu təmin olunan bir millət kimi tanıdılmışdır.

Qeyd edək ki, sonda Annette Blum dialoq və sülh mexanizmi kimi incəsənətin öz fəallığı ilə mühüm rola malik olması təcrübəsinə Bakıda şahidi olduğunu bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi